Má ég færa mig upp um level?

Hér fyrir neðan erum við búin að setja upp tékklista fyrir hvert level til þess að hjálpa þér að vita hvort það sé kominn tími á að færa sig yfir í næsta stig. Við hvert level er listi af æfingum sem nauðsynlegt er að nemendur séu búnir að ná  tökum á til þess að geta skráð sig á næsta level.

Þegar við tölum um að hafa náð tökum á ákveðinni æfingu er átt við að geta gert æfinguna í hvert skipti af öryggi og helst á báðum hliðum. 
Ekki er nauðsynlegt að gera æfingarnar fullkomlega því það er alltaf hægt að gera betur eins og t.d. að rétta betur úr ristum eða halda stöðunum lengur og þess háttar en rétt og örugg tækni þarf að vera til staðar. 

Ástæðan fyrir því að nemandi þarf að geta framkvæmt allar æfingar á listanum áður en hann færir sig upp um level er sú að þetta er ákveðinn mælikvarði á að maður sé líkamlega tilbúinn til þess að reyna við æfingarnar í næsta leveli. Einnig er byggt ofan á æfingarnar og gerðar erfiðari útgáfur. Ef nemandi færir sig upp um level of fljótt þá er maður í aukinni hættu á að verða fyrir meiðslum á æfingu og að geta ekki fylgt eftir í tíma. 

ATH! Pole – Level 1 eru byrjenda námskeið og þar af leiðandi er ekki nauðsynlegt að vera með neinn grunn til þess að byrja. Margir halda að maður þurfi að fara í ræktina og koma sér í form áður en maður skráir sig á námskeið hjá okkur en það gæti ekki verið fjarri sanni!